بيتي الأول ... مكتوب ...
كلما بعدت عنك ... عدت وكلي حنين
باقة من القلوب أهديها
لكل زوار المدونة
موقع رائع جدا جدا عن الرسول
عليه السلام
خليكم متعلقين هنا
لغاية ما أرجع للمدونة
| ► | سبتمبر 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
منورين المدونة
قال: السماء كئيبة وتجهما
قلت : ابتسم يكفي التجهم فى السما
سلام عليكم جميعا …..
رغم مشاغلي الكثير … إلا مناسبة قرب قدوم رمضان الكريم … ماتتفوتش …
قلت لازم أجي أسلم عليكم … وأهنيكم بالشهل الفضيل …
إن شاء الله … نكون أجمعين .. من صوامه وقوامه ….
وكل عام وجميع المسلمين إن شاء الله بخير وسلام …
وبالمناسبه دي برضه ….
حبيت أهديكم كم صورة للحرم المكي الشريف …. تصوير خاص …
بس لاتسألوني كيف دخلت الكاميرا …
هذي صورة خارجية للحرم
كلنا في طفولتنا كنا بنسمع تخاريف وحكايات من أهلينا لاتصدق …
لكن نصدقها بحكم إننا أطفال أبرياء … مش مثل أطفال اليوم طبعا
ولله الحمد تعتبر جدتي اللي عشت وأتربيت عندها من أكبر المصدرين لهذه
الحكايات والتخاريف ….
راح أحكيلكم على أكثر التخاريف إلتصاقا بذاكرتي …
تخريفة سن الغزال
اتوقع التخريفة دي منتشرة على مستوى الوطن العربي …
طبعا لما تبدأ أسنانا اللبنية تتطيح عشان تجي مكانها الأسنان الدائمة …
يعلمونا أهالينا … إننا ناخذ السن المخلوع..ونغني
ياعين عين الشمس ..
أربع ولا خمس ..
أعطيك من سنون الحمار وأعطيني سن الغزال
وبعدها نرمي السن المسكين للشمس ..
طبعا غير إن الأغنية فيها تهزيء لينا وأن أسنانا أسنان حمار …
أكتشفت مؤخرا إن سن الغزال حاجه يجي طولها شبر ..
يعني سن الحمار كان أرحم
تخريفة البرق واللون الأحمر ..
كانوا يقولوا اللي يخرج في المطر والبرق وهو لابس أحمر ياخذه البرق معاه
يعني يقتله بالعربي …
ماتتخيلوا الحكاية دي كانت مأثره فيني كيف …
لدرجة إن مره خرجت أشتريلي بسكويت وكنت لابسه تي شيرت أحمر
… والمطر كان خفيف جدا جدا ..
فجأة زاد المطر ..وصار فيه رعد وبرق ..ودخلت أنا في حالة هستيرية
من البكاء والصياح المتواصل
لغاية ما واحد من أصدقائي في الحارة شافني وراح قال لجدتي ..
مراحب يامدونين …. ويا أصدقائي المكتوبيين …
بجد وحشتوني جدا جدا جدا ….
وألف شكر لكل اللي سألوا عني … أو زاروا مدونتي ف الفتره الماضيه ….
من كم يوم … رحت للسوبر ماركت … عشان أشتري شوية أغراض للبيت …
شفت شيء مفرح صراحه ويشرح الخاطر ….
الكثير من المنتجات الدنماركية معروضه بأسعار لاتصدق … غير الهديا والعروض
الموجوده كإغراء عشان الناس يشتروا …
بعض الأجبان صاروا يبيعوا العلبتين بسعر العلبة …
بصراحه انبسطت كثير وفرحت اكثر لما شفت الناس يمروا من عندها
طبعا نحن في السعودية كأي دولة عربية أخرى …
تعتبر الواسطه عندنا إحدى الشهادات العليا …
التي تخولك للفوز بأرقى المناصب …. وبأروع الجامعات …وأفضل الرواتب…
وممكن كمان لو عندك واسطه … تتعالج في أفخم المستشفيات …
ومن أفضل الدكاتره …
وكمان بالعصا السحرية … دي اللي إسمها واسطه …
تلغي كل مخالفاتك الحكومية … وتعمل اللي مايتعملش ..
لأنك واثق إن عندك واسطه …
واللي له ظهر طبعا مايتضربش على قفاه
لكن المصيبة العضمى … إن الموضوع عندنا وصل …
إنك ممكن تموت … وتقتل غيرك … وكله بأمر الواسطه …
قولوا كيف …قولتولي كيف مع إني ماسمعتش .. بس ماعلينا ..
المهم ياحضرات …
ممكن تلاقي طفل صغير … لم يتجاوز الخامسة عشر …
يسوق سيارة بسرعة مليون … في أكثر الشوارع إزدحاما … بكل ثقه
وتستغرب من جرأته …
مراحب يامدونين … ويامدونات ….
وحشتوني جدا جدا …
وسامحوني على الغيبات الطويلات … أصله عندي إمتحانات صعبه شوي …
ماينفعش معاها لا ملخصات ولا مذاكره ولا غش حتى …
إلا على سيرة الغش …
أنا راح أحكيلكم على المره الوحيده واليتيمة اللي كنت حغش فيها ..
بس ربنا تاب عليه قبل أعملها …
دا ياأخواني كان في يوم أغبر من أيام ثاني ثانوي …
قررت المدرسه انها تعيد لي إمتحان لأني كنت غايبه يوم الإمتحان الرئيسي …
وأخذتني معاها لفصل تاني.. عشان تختبرني وبعدين أرجع لفصلي …
المشكله إن الفصل التاني دا … كل البنات اللي فيه صديقاتي ..
وأحيانا الصداقة تكون مشكله …
البنات لما سمعوا أسئلة الإمتحان …
صحيت عندهم النخوة العربية وحب التعاون …
وكل وحده فيهم حبت تساعدني بطريقتها …
اللي تهمس بالإجابه .. واللي تأشر …
واللي تكتب لي الإجابات في الهواء ..
وأنا أتلخبطت وصرت مش عارفه أجاوب ولا أسمع ولا أركز …
لغاية ماوحده فيهم أتهورت .. وكتبت لي الإجابات على
الكل اليومين دي مشغول بغزة ومايحدث فيها …
وبحكم إني غير متابعة للأخبار جيدا …
لفت نظري عدة صور شفتها في نشرات الأخبار عالطاير كده …
وجا في مخي مليون سؤال وسؤال ممكن ألاقي أحد يجاوبني عليهم …
لأني بصراحه غلبت وأنا أبحث عن إجابه وماعرفتش
مثلا يعني …
أنا سمعت والعهدة على قناة العربية …
أن الفلسطينيين هدموا الجدار الفاصل بينهم وبين مصر …
ودخلوا مصر لقساوة الضروف المحيطة بهم ..
طيب مدام ماشاء الله قدروا يكسروا الجدار …
ليه ماكانت القوة دي على الجدار الإسرائيلي؟؟؟
غير كده أنا شفتهم بعد مادخلوا مصر … رفعوا علامة النصر؟؟؟!!!
يعني إنتصروا على مين مثلا؟؟؟
هذا غير إننا لما حصل الصراع
أولا وقبل كل شيء …
كل عام وأنتو جميعا بخير … ويارب أيامكم كلها خير وسعادة …
قربت السنه الهجرية الجديدة يارب تكون سنة خير على الجميع ….
وتكون أيامكم كلها أعياد
ثانيا
حبيت في الإدراج هذا … تشاركوني أفضل المناظر الطبيعية اللي
شفتها …وصورتها بكاميرتي …والمكان ذا أعشقه بجنون ..
وله في ذاكرتي ذكريات رائعة جدا ..
الصورة من قريتي الصغيرة ومسقط رأسي …في منطقة ( جيزان )
(بصراحة مش حلوة كلمة مسقط رأسي دي بس كلمة معتادة )
أكيد كلكم تعرفوا النكتة القديمة اللي بتقول …
واحد طلب من شخص يفسر له حلمه ..
وقاله أنا حلمت إني جالس في مزرعة والدنيا خضراء حولي …
وأنا لابس ثياب لونها بني …
قاله تفسير حلمك إنك ثور الله في برسيمه
طبعا الواضح إنها نكتة سخيفة وقديمة …
لكن للأسف هذا هو حال بعض مفسري الأحلام .. في وقتنا الحالي …
لأن الموضوع للأسف أصبح مجرد مهنة تأكل عيش …
وموضوع يزيد عدد الإعلانات للقناة
وأصبح كل قناة تبغى زيادة إيرادات وزيادة مشاهدين …
لازم تجيب مشعوذ وتسميه شيخ …
وتجيب أي حد يفسر أحلام … وياتصيب ياتخيب …
وفي النهاية الإعلانات هي المهمه ..
حتى المجلات الآن … لازم في كل مجلة معروفة يحطوا صفحتين
من منا لايعشق منظر الغروب …ومن منا لايأنس بالسفر مع الشمس ..
وهي تلملم شعثها للرحيل .. سابحة في الأفق
منظر يعشقه الكثير خاصة على شاطيء البحر.. حيث الهدؤ والروعة والسكينة….
الغروب بالنسبة لي … ليس نهاية .. بل
بداية …
بداية ليوم آخر وأمل جديد
كلنا تمر علينا مشاكل … وهموم ومواقف تحزن ….
وطبعا ردة فعلنا تكون بالصدمة أولا … ثم البكاء أو الحزن ..
حسب الموقف …
وفيه ناس تكون ردة فعلهم غير متوقعة أو غير طبيعية …
يعني يواجهوا المواقف دي بالضحك …
للأسف أنا من الناس اللي أضحك في المواقف الصعبة …
وتجيني حالة هستيرية من الضحك لما أخاف …
الصيف الماضي ..رحت الملاهي مع بنت خالتي … ولأني مجنونة بالألعاب
الخطيرة … أصريت عليها … إلا نركب المقص ..
هي رفضت في البداية بس بعد إلحاح مني وافقت …وإحنا ركبنا من هنا …
وعينكم ماتشوف إلا النور … بديت أضحك أضحك
وكل ما أرتفعت اللعبة فوق يزيد الضحك عندي ..
لدرجة أن دموعي صارت تطير مع الهواء …
ومره كنا في عزيمة … وأنطفا الكهرب … طبعا الحريم لازم يصرخوا ويلطموا
ويصوتوا ..أما أنا فضليت أضحك لين أشتغل الكهرب تاني ..
وبالصراحه آخر موقف هو اللي زعلاني على حال
